Protesta masive kundër inflacionit në Francë

11


09:33 30/09/2022

Sindikatat shprehen se njerëzit me të ardhura të ulta nuk po marrin ndihma dhe qeveria nuk është adekuate

Protestat masive u mbajtën në disa qytete të Francës kundër rritjes së çmimeve dhe inflacionit të lartë me disa industri që kërkojnë paga më të larta për punonjësit e tyre.

Të nisura nga disa sindikata në Francë, duke përfshirë energjinë, transportin, arsimin, shëndetësinë, protestat u zhvilluan në qytete si Paris, Lion, Bordo, Lille. Sindikatat vlerësuan se do të kishte më shumë se 100 demonstrata gjatë ditëve në vijim.

Në Paris, rreth 40,000 njerëz dolën në rrugë. Sindikatat kanë bërë të ditur se përballë presioneve inflacioniste, masat e reagimit të qeverisë aktuale franceze nuk mund të plotësojnë kërkesat e qytetarëve. Nëpunësit civilë, pensionistët, studentët dhe personat me të ardhura të ulëta në veçanti nuk kanë marrë mbështetjen e duhur dhe as rritja e pagave dhe as ndihma sociale nuk kanë qenë adekuate.

“ Fuqia jonë blerëse ka rënë. Tani edhe thjesht të dalësh për të ngrënë në një restorant apo të dalësh për një pije është më e shtrenjtë se dikur”, është shprehur një banor.

Që nga fundi i vitit 2021, rritja e çmimeve të naftës dhe gazit në Evropë ka nxitur rritjen e inflacionit dhe vazhdimi i inflacionit i ka bërë popullin francez në ankth. Gjatë protestave shumë pjesëmarrës theksuan se përkeqësimi i situatës aktuale lidhet ngushtë me ndjekjen verbërisht të Evropës ndaj sanksioneve kundër Rusisë.

“Konflikti Rusi-Ukrainë po përkeqëson krizën energjetike dhe ndikon në furnizimin me ushqim në Afrikë dhe Evropën Perëndimore. Vendosja e sanksioneve është krejtësisht e pakuptimtë sepse është një shpërfillje për aspektin social-ekonomik të njerëzve. Nuk është mirë për popullin e Ukrainës dhe as për populli i Rusisë por as për kombin evropian”, ka thënë një protestues.

Ndër problemet me të cilat do të përballet qeveria franceze, më e rëndësishmja është sigurimi i ngrohjes për dimrin. Jo vetëm Franca por edhe një sërë shtetesh të tjera inflacioni i lartë po i shtyn vendet drejt një recesioni të mundshme. Sipas autoriteteve gjermane inflacioni i lartë rekord dhe kriza e përshkallëzuar energjetike e shkaktuar nga kriza e Ukrainës ka lënë në hije jetën e njerëzve dhe perspektivën kombëtare socio-ekonomike në Gjermani.

Të dhënat e përkohshme të lëshuara nga Zyra Federale e Statistikave Gjermane tregoi se indeksi i çmimeve të konsumit të vendit u rrit me 10 për qind në shtator, një rekord i lartë që nga viti 1951. Kancelari gjerman Olaf Scholz se qeveria do të investojë 200 miliardë Euro për të zbutur krizën energjetike dhe për të vendosur një tavan mbi çmimet e energjisë.

Klan News





Huazuar nga