Mesazhe zemre për Roger Federer, lamtumira e legjendës së tenisit prek yjet e sportit

2


Në historinë e tenisit ka gjithnjë data historike. E tillë do të jetë edhe 15 shtatori, dita kur Roger Federer zyrtarizoi tërheqjen e tij nga sporti. Tenisti zviceran i dha lamtumirën e tij nga sporti.

Turneu i tij i fundit do të jetë ai i Laver Cup, fundjavën e ardhshme në Londër. Ky është eventi që tenisti zviceran e ka organizuar vetë dhe ku do të japë lamtumirën e tij.

Kjo do të jetë hera e fundit ë do të shohim në fushë Federer, tashmë 41 vjeç, që nuk luan prej më shumë se një viti. Ai fitoi 20 grand slam dhe 103 tofe në karrierën e tij. Pas anonçimit të lamtumirës, kanë ardhur edhe reagimet e para. Rafael Nadal përshëndeti rivalin historik me një mesazh tepër emocional.

“Do të dëshiroja që kjo ditë të mos vinte kurrë… është një ditë tepër e mërzitshme për mua personalisht dhe për tërë sportdashësit në botë. Ua thashë juve kur ne biseduam dhe tani po e shkruaj këtu. Ka qenë një kënaqësi por po ashtu nder dhe privilegj që t’i ndaja këto vite me ty, ku jetuam momente të mahnitshme brenda dhe jashtë fushës”- shkruajti Nadal në rrjetet sociale.

Po ashtu, një dedikim kishte edhe nga Lionel Messi. “Një gjeni, unik në historinë e tenisit dhe shembull për çdo sportist. Gjithë të mirat në etapën tënde të re, do na mungojë të të shohim në fushë duke na bërë të kënaqemi”, – shkroi Messi.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb






Huazuar nga