Home Lajme nga Bota Rusia po përgatit fazën e re të luftës në Ukrainë

Rusia po përgatit fazën e re të luftës në Ukrainë

11

15:46 06/08/2022

Zbulimi britanik: Synohet zgjerimi i pushtimit deri në Zaporizhia

Sulmi rus në Ukrainë po hyn në një fazë të re. Zbulimi britanik bën të ditur se rusët po grumbullojnë trupat në Herson, qytetin e pushtuar në jug të Ukrainës për të nisur një ofensivë të re për të shtënë nën kontroll gjithë zonën lindore të lumit Dnipër e po ashtu për të marrë kontrollin e Zaporizhias, qytetit ku ndodhet një prej centraleve elektrike me energji bërthamore më të mëdha në Europë.

Pritet që ata të zgjerohen në një front prej 350 kilometrash. Sipas zbulimit britanik, në rajonin e Krimesë janë grumbulluar deri në 1 mijë trupa ruse, të cilët janë gati të nisin këtë ofensivë.

Me tepër rrezik është fakti që luftime të ashpra mund të ketë në Zaporizhia dhe ato mund të rrezikojnë centralin bërthamor, që është goditur me predha edhe gjatë orëve të fundit. Rusët dhe ukrainasit fajësojnë njëri-tjetrin për sulmin. Por në rast shpërthimi të centralit bërthamor, pasojat mund të jenë katastrofike dhe afatgjata për gjithë kontinentin dhe për vetë Rusinë.

Tv Klan




Huazuar nga

Previous articleNano zbret në terren për sigurinë në plazhe, iu drejtohet policëve: Keni në dorë jetën e qytetarëve, zbatoni ligjin
Next articleSulmet ndaj Policisë së Kosovës, Sveçla: Grupet ilegale serbe po mundohen të na pengojnë të kryejmë detyrën tonë