Home Sport Koret me emrin e Vladimir Putin, UEFA me masa të rrepta ndaj...

Koret me emrin e Vladimir Putin, UEFA me masa të rrepta ndaj Fenerbahçes

6

18:40 06/08/2022

Thirrjet e tifozëve ne emrin e presidentit të Rusisë, Vladimir Putin i kanë kushtuar shtrenjtë turqve të Fenerbahçe. Gjiganti i futbollit turk është ndëshkuar nga UEFA me gjobë prej 50 mijë Eurosh, si dhe do të ketë mbyllje të pjesshme të stadiumin (të paktën 5 mijë vende) për ndeshjen e ardhshme në gara evropiane.

Në njoftimin e organit më të lartë të futbollit Europian dënimi thuhet se vjen pas “hedhjes së sendeve dhe transmetimit të një mesazhi provokues me karakter fyes, pra thirrje të paligjshme”.

Përmendja e emrit të presidentit të Rusisë nga tifozët turq u bë më 27 korrik, në ndeshjen mes Fenerbahçes dhe Dinamo Kievit, e vlefshme për kualifikimet në Ligën e Kampionëve.

Emri i Putin, që urrehet nga bota për luftën që nisi në Ukrainë dhe për mijëra njerëz, përfshirë këtu edhe fëmijë, të vrarë në Ukrainë, u thirr nga tifozët e Fenerbahçes pasi skuadra ukrainase shënoi gol.

Klubi nga Superliga e Turqisë ishte distancuar nga thirrjet e tifozëve, duke deklaruar se veprimet e tifozëve nuk përfaqësojnë qëndrimet e klubit.

Klan News




Huazuar nga

Previous articleKapitulli i 29-të i negociatave të Maqedonisë së Veriut me BE-në: Unioni doganor
Next articleKompania që merret me trajtimin e qenve endacak të Tetovës, figuron e paautorizuar nga AUV