Home Lajme nga Bota Irani mund të ndërtojë bombë bërthamore

Irani mund të ndërtojë bombë bërthamore

10

A picture taken on August 20, 2010 shows an Iranian flag fluttering at an undisclosed location in the Islamic republic next to a surface-to-surface Qiam-1 (Rising) missile which was test fired a day before Iran was due to launch its Russian-built first nuclear power plant. Iranian Defence Minister Ahmad Vahidi said the missile was entirely designed and built domestically and powered by liquid fuel. AFP PHOTO/VAHID REZA ALAEI (Photo by Vahidreza ALAEI / AFP) (Photo by VAHIDREZA ALAEI/AFP via Getty Images)

21:55 01/08/2022

Pretendimet se Teherani ka njohuri teknike vijnë pasi një ringjallje e marrëveshjes së 2015 është në udhëkryq

Kreu i organizatës për energji bërthamore të Iranit, Mohammad Eslami, ka bërë të ditur se Irani është në gjendje që të prodhojë bombë bërthamore, por nuk ka gjasa që ta realizojë atë së shpejti.

Pretendime të tilla publike nga zyrtarë të lartë janë të rralla dhe ka të ngjarë të intensifikojnë shqetësimet mbi natyrën e programit bërthamor të Iranit. Ajo ka avancuar aktivitetet e saj bërthamore që kur një marrëveshje që i kufizon ato u ndërpre.

Marrëveshja e vitit 2015 filloi të shpërbëhej kur SHBA u tërhoq dhe rivendosi sanksionet ekonomike. Irani ka pretenduar vazhdimisht se programi i tij bërthamor është për qëllime thjesht paqësore, por fuqitë perëndimore thonë se nuk janë të bindur. Zyrtarët perëndimorë kanë paralajmëruar se koha po kalon për të rivendosur marrëveshjen përpara se programi i Iranit të arrijë një pikë të tillë ku nuk mund të kthehet mbrapsht.

Irani pasuron me uranium deri në 60%  të gjithë vendin. Kjo është përqindje shumë më e lartë sesa norma prej 3.67% që lejohet sipas marrëveshjes bërthamore që Irani dhe fuqitë botërore arritën më 2015.

Për të prodhuar një armë bërthamore, nevojitet uranium me pastërti prej 90%. Ish-presidenti i Shteteve të Bashkuara, Donald Trump, më 2018 tërhoqi Uashingtonin nga marrëveshja bërthamore me Teheranin dhe nisi rivendosjen e sanksioneve të ashpra ndaj Republikës Islamike.

Në Qershor, kreu i Agjencisë Globale të Energjisë Atomike, Rafael Grossi, tha se Irani mund të marrë një sasi të tillë brenda disa javësh. Posedimi i materialit të mjaftueshëm nuk do të thotë se Irani mund të prodhojë një bombë bërthamore.

Pretendimet nga Irani se ka njohuritë teknike për të zhvilluar një bombë vijnë në një kohë kur Irani dhe fuqitë botërore janë në mosmarrëveshje rreth ringjalljes së marrëveshjes së 2015-ës. Bisedimet disamujore në Vjenë kanë ngecur dhe negociatat e rralla indirekte midis SHBA-së dhe Iranit mbi çështjen që u zhvilluan në Katar në Qershor përfunduan pa marrëveshje.

Klan News




Huazuar nga

Previous articleBerisha: Kurti, që karrieren politike e ka ndërtuar nga betejat politike me Thaçin, ka mësuar se çfarë do të thotë të marrësh ‘turr’
Next articleArmando Broja qëndron te Chelsea