HomeLajmeLajme nga KosovaKrasniqi: Puna e Bedri Hamzës në Mitrovicë po pengohet nga Qeveria

Krasniqi: Puna e Bedri Hamzës në Mitrovicë po pengohet nga Qeveria

Kryetari i PDK-së, Memli Krasniqi ka qëndruar për vizitë në Komunën e Mitrovicës ku është pritur drejtuesit e saj.

Ai ka vlerësuar lartë punën e kryetarit Hamza, të cilin e ka edhe bashkëpartiak.

“Mitrovica, qyteti i punës, historisë e kulturës, më në fund ka marrë drejtimin e duhur dhe të merituar, nën udhëheqjen e Bedri Hamzës, profesionistit e Kryetarit shembull”, ka shkruar Krasniqi në Facebook.

“Përmirësimi i infrastrukturës rrugore nëpër lagje të Mitrovicës, investimet e mëdha në shëndetësi e në arsim, rikthimi i vëmendjes në shërbimet publike cilësore dhe të sigurta, mbështetja e madhe për kulturën, sportin e rininë – janë vetëm disa nga prioritetet me të cilat Kryetarin Hamza dhe ekipin e tij i gjetëm të angazhuar”.

I pari i PDK-së është shprehur i bindur se të gjitha projektet e planifikuara të Hamzës për Mitrovicën do të jetësohen.

“Vizioni i Kryetarit Hamza për transformimin e Mitrovicës, që në fokus ka përmirësimin e jetës dhe mirëqenies së qytetarëve, është konkret, i matshëm dhe i arritshëm. Duke e njohur Bedriun prej vitesh, jam më se i bindur që të gjitha planet e tij për Mitrovicën do të jetësohen”.

Megjithatë, Krasniqi ka thënë se puna e Hamzës po hasë në pengesa nga Qeveria e Kosovës.

“Por, fatkeqësisht, vullneti, dija e angazhimi i Kryetarit Hamza dhe ekipit të tij po hasë në pengesa aty ku nuk do të duhej – në Qeverinë e Kosovës. Diskriminimi i Qeverisë ndaj komunave që udhëhiqen nga opozita, po e tejkalon çdo kufi. Qytetarët e Kosovës duhet të trajtohen të barabartë nga Qeveria, pavarësisht se ku jetojnë ata. Ky është minimumi që duhet të bëhet”, ka deklaruar tutje Krasniqi/Telegrafi/




Huazuar nga

No comments

Sorry, the comment form is closed at this time.