Home Lajme nga Shqiperia Transportonte 10 emigrantë të paligjshëm, arrestohet 46-vjeçari në Kamzë

Transportonte 10 emigrantë të paligjshëm, arrestohet 46-vjeçari në Kamzë

7
0

Policia e Tiranës njoftuar sot se ka përmbyllur operacionin e koduar “Tranzit 23”, për goditjen e veprimtarisë kriminale të dhënies ndihmë shtetasve të huaj, për kalim të paligjshëm të kufijve.

Sipas policisë, ka rënë në pranga shtetasi I. L., 46 vjeç, banues në Shkodër, pasi u kapën në flagrancë duke transportuar 10 emigrantë të paligjshëm.

Gjithashtu, u procedua penalisht në gjendje të lirë shtetasi A. L., 40 vjeç, banues në Shkodër.

Këta shtetas janë kapur në flagrancë nga shërbimet e Policisë, në Kamzë, duke transportuar me një minibus, 10 emigrantë të paligjshëm, të cilëve iu kishin premtuar, kundrejt shpërblimit monetar, transportimin nga Tirana në drejtim të Hanit të Hotit, me qëllim kalimin e tyre në Mal të Zi, me destinacion final vendet e BE-së.

Policia ka njoftuar se janë proceduar penalisht edhe 10 emigrantët, për kalim të paligjshëm të kufirit.

Materialet procedurale i kaluan Prokurorisë, për veprime të mëtejshme. /Telegrafi/




Huazuar nga

Previous articleParlamenti bullgar sot do të debatojë për propozimin francez
Next articlePunonjësit në Komunën e Tetovës përfitojnë rritje page për 2.800 denarë