Home Lajme nga Kosova Tahiri, Kurtit: Ne ju mbështetëm për marrëveshjen e energjisë, si ka mundësi...

Tahiri, Kurtit: Ne ju mbështetëm për marrëveshjen e energjisë, si ka mundësi që s’e votuat rezolutën për siguri

8
0

Rezoluta e propozuar nga Aleanca për Ardhmërinë e Kosovës (AAK) për çështjet që lidhen me sigurinë e vendit nuk ka gjetur përkrahje nga deputetët e pozitës në seancën e sotme Kuvendit.

E ndaj kësaj ka reaguar shefi i Grupit Parlamentar të AAK-së, Besnik Tahiri, i cili duke iu drejtuar kryeministrit Albin Kurti tha se “s’i ka mundësi që deputetët tuaj nuk e votuan këtë rezolutë, kur ne ju mbështetëm për marrëveshjen me Serbinë”.

Para deputetëve, Tahiri deklaroi se AAK-ja i ka dhënë përkrahje Qeverisë së Kosovës për marrëveshjen që nënshkroi një ditë më parë me Serbinë në Bruksel për energjinë, edhe pse siç tha, Lëvizja Vetëvendosje kur ishte në opozitë të njëjtën marrëveshje e pati quajtur legalizim të Serbisë në Kosovë.

“Qeveria dje nënshkroi një marrëveshje për energjinë me Serbinë, e cila bazën e ka në vitin 2013 dhe 2015, për të cilën ne si AAK kemi prezantuar një analizë të 9 pikave dhe i kemi japur mbështetje. Udhërrëfyesi nëse zbatohet plotësisht e ndryshon për mirë situatën në vend, por nëse jo, do ta përkeqësojë atë”.

“Atëherë kryeministër, si është e mundur që grupi yt parlamentar të mos reflektojë për një rezolutë të tillë, ndërsa ne po e mbështetim qeverinë tuaj përkundër faktit se ju më 10 shtator 2015, kësaj marrëveshje i keni thënë legalizim i Serbisë në Kosovë. Nuk jeni në gjendje me pa pak përtej kur është agjenda kombëtare në fushën e sigurisë”, deklaroi ai.

Shefi i deputetëve të AAK-së tutje kërkoi nga Qeveria që të reflektojë për katër çështje; Ligjin e Pagave për sektorin publik, akcizën në derivatet e naftës, votimin e Trustit dhe situatën ekonomike.

“Ka 1 vit e gjysmë që po e shtyni Ligjin e Pagave për sektorin publik. Kemi kërkuar po ashtu si opozitë që të reflektoni në produktet bazë, nëse nuk e largoni akcizën të paktën ta zbrisni. E treta, është Trusti”.

“Informatat që i kemi është që komunikimi juaj me deputetë është ‘ja me ne, ja me ata’. Ta votojmë në lexim të parë Trustin e pastaj në ulemi e të bisedojmë për lexim të dytë. Dhe e katërta, presim nga ju të reflektoni mbi situatën e rëndë në ekonomi”, përfundoi Tahiri. /Telegrafi/




Huazuar nga

Previous articleIntegrimi në BE, Berisha: Shqipëria po vendoset sërish në anën e kundërt të historisë
Next articleGERB jep 59 vota për mbështetje të “propozimit francez” për Maqedoninë e Veriut