Home Lajme nga Kosova Kosova dhe Mali i Zi pritet të formojnë komisionin për rishikim të...

Kosova dhe Mali i Zi pritet të formojnë komisionin për rishikim të vijës kufitare

10
0

Kosova dhe Mali i Zi pritet që të formojnë një komision të përbashkët për rishikim të vijës kufitare.

Kështu bëri të ditur kryeministri i Kosovës, Albin Kurti, në seancën e sotme të Kuvendit, pasi deputeti i Aleancës për Ardhmërinë e Kosovës, Shemsedin Dreshaj, pyeti Qeverinë nëse e ka në plan të formojë komisionin e ekspertëve për rishikim të vijës kufitare me Malin e Zi.

Në përgjigjen e tij, Kurti tha se është e rëndësishme që presidenti malazez, Milo Gjukanoviq, ka gatishmëri për këtë çështje.

“Normal për palën e Kosovës dokumentet janë të qarta. Sa kam njohuri edhe ekspertët vendorë kanë punuar në këtë drejtim. Me rëndësi për ne është që presidenti Gjukanoviq ka shprehur gatishmëri për këtë çështje”.

“Besoj që edhe Qeveria e Malit të Zi do të reflektojë. Atje kemi një qeveri të re, pala e Kosovës e di se ka pasur shumë hezitime që të hyhet në rishikim në periudhën 2015-2016, atëherë kur pala malazeze ishte e gatshme. Ndërkaq, subjekti që unë e udhëheq gjithmonë e ka kundërshtuar versionin e nënshkruara”, pohoi Kurti.

Presidenti i Malit të Zi, Milo Gjukanoviq, e ka lënë të hapur mundësinë e korrigjimit të kufirit Kosovë – Mali i Zi.

Ai në një intervistë për televizionin publik, ka thënë se marrëveshja për demarkacionin është arritur, por sipas tij ekziston mundësia që gjatë punës së Komisionit të Përbashkët në terren të korrigjohen disa gjëra. /Telegrafi/




Huazuar nga

Previous articlePolicia me aksion kundër përdorimit të telefonit gjatë ngasjes së automjetit
Next articleShqipëria rrit me 30 për qind pagat e ushtarakëve