Home Lajme nga Shqiperia Arrestohet 17-vjeçari në Mamurras, iu gjetën armë dhe municione në banesë

Arrestohet 17-vjeçari në Mamurras, iu gjetën armë dhe municione në banesë

6
0

Një 17-vjeçar është arrestuar nga policia e Kurbinit, pasi që mbante armë zjarri automatik dhe municion luftarak, në banesë.

Pas informacioneve të marra në rrugë operative, policia gjatë kontrollit në dhomën e gjumit, në banesën ku jetonte ky shtetas, ka gjetur dhe sekuestruar në cilësinë e provës materiale një armë zjarri automatik dhe një sasi municioni luftarak.

Në njoftim thuhet se materialet i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme, për veprën penale “Mbajtja pa leje e armëve luftarake dhe e municionit”.

“Vijojnë kontrollet për kapjen e personave që qarkullojnë më armë zjarri me vete apo i mbajnë ato pa leje, në banesë.

Falë dhe bashkëpunimit me qytetarët, Policia vë në pranga një 17-vjeçar, që mbante armë zjarri automatik dhe municion luftarak, në banesë.

Në vijim të punës për parandalimin, evidentimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e marra nga  qytetarët se një shtetas mbante armë zjarri në banesë, nga shërbimet e Komisariatit të Policisë Kurbin u bë kapja dhe arrestimi në flagrancë i shtetasit: – P. N., 17 vjeç, banues në Mamurras.

Shërbimet e Policisë, gjatë kontrollit në dhomën e gjumit, në banesën ku jetonte ky shtetas, kanë gjetur dhe sekuestruar në cilësinë e provës materiale një armë zjarri automatik dhe një sasi municioni luftarak.

Materialet i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme, për veprën penale ‘Mbajtja pa leje e armëve luftarake dhe e municionit’ “, thuhet në njoftim të Policisë së Shtetit. /Telegrafi/




Huazuar nga

Previous articleXhikiq: CEFTA na mëson rëndësinë e krijimit të një tregu të përbashkët rajonal
Next articleIsh-presidenti i Shqipërisë: Evropa t’i bëjë presion Serbisë që të njohë Kosovën