Home Lajme nga Maqedonia Zbardhen 15 mashtrime në Gostivar, kallëzim penal për katër persona

Zbardhen 15 mashtrime në Gostivar, kallëzim penal për katër persona

9
0

Sektori për Punë të Brendshme Tetovë informon se ka zbuluar gjithsej 15 mashtrime dhe në Prokurorinë Themelore Publike Gostivar ka paraqitur kallëzim penal kundër: B.A (35) nga Shkupi dhe tre të tjerëve nga Tetova R.M (37), B.M (31) dhe Sh.Sh (35).

Nga SPB Tetovë thonë se ata dyshohen se kanë kryer veprën penale “mashtrim”, e dënueshme nga neni 247 paragrafi 1 i Kodit Penal.

“Katër të pandehurit, dy prej të cilëve tashmë janë në vuajtje të dënimit me burgim, dyshohet se në vitet 2020, 2021 dhe 2022, me paraqitje të rrejshme dhe fshehje të fakteve, kanë mashtruar disa persona në Gostivar, ndërsa organizatorët e këtyre mashtrimeve kanë përdorur persona të tjerë për realizimin e tyre, shumica shpesh të afërm apo miq të ngushtë të të dëmtuarve, me qëllim që të jenë më bindës në tregimet e tyre fiktive dhe në këtë mënyrë të përfitojnë në mënyrë të paligjshme shuma të ndryshme parash”, thonë nga SPB Tetovë.




Huazuar nga

Previous articleBerisha i quan “jugosllavë” votuesit e Kurtit, reagon kryeministri: Pa shpifur s’po mund të më kritikosh
Next articleBekim Haxhiu ia ndal mikrofonin Haxhi Avdylit