Home Lajme nga Maqedonia Bekteshi: Vetëm duke zbatuar sistemet ekologjike sipas standardeve të BE-së mund të...

Bekteshi: Vetëm duke zbatuar sistemet ekologjike sipas standardeve të BE-së mund të shmangim sfidat mjedisore

13
0

Në kuadër të organizimit “Forumi i Prespës për Dialog” i cili organizohet në qytetin e Ohrit, fjalim ka mbajtur dhe ministri i Ekonomisë, Kreshnik Bekteshi.

Ai ka theksuar se Maqedonia po punon për përvetësimin e sistemeve ekologjike për të shmangur sfidat mjedisore.

“Axhenda e gjelbër për Ballkanin Perëndimor lindi nga nevoja për të adresuar sfidat mjedisore me të cilat përballet rajoni dhe për të përafruar politikat tona me prioritetet e Bashkimit Evropian të përcaktuara përmes Marrëveshjes së Gjelbër Evropiane. Në këtë drejtim, Maqedonia tashmë ka bërë ndryshime ligjore dhe ka intensifikuar punën për transformimin e energjisë së gjelbër përmes realizimit të investimeve në rritjen e kapaciteteve vendore për prodhimin e energjisë nga burimet e ripërtëritshme”, tha ministri i ekonomisë Kreshnik Bekteshi në fjalimin e tij në panelin me titull “Axhenda e gjelbër për Ballkanin Perëndimor”, Korniza Zbatuese për një rajon të qëndrueshëm dhe neutral klimatik.

“Ne si vend po punojmë fort për zëvendësimin e objekteve të vjetra të energjisë me burime të rinovueshme të energjisë si termocentralet fotovoltaike. Po punohet shumë për ndërtimin e infrastrukturës për lidhjen e gazit me rajonin, por edhe për të siguruar gaz për të gjitha familjet. Ekonomitë e rajonit janë zotuar të harmonizojnë planet e tyre afatmesme për reduktimin e emetimeve me ambiciet e BE-së për të reduktuar emetimet e CO2. Vendet në rajon duhet të adresojnë sfidat e paraqitura nga heqja graduale e qymyrit, të tilla si papunësia, trazirat ekonomike dhe migrimi për motive punësimi. Dekarbonizimi do të arrihet “nëpërmjet përdorimit të lëndëve djegëse të rinovueshme ose me më pak intensitet karboni”, tha Bekteshi.

Ministri theksoi se për të gjithë rajonin nevoja për transformim të gjelbër nuk është vetëm një çështje ekonomike por edhe kontribut për cilësi më të mirë të jetës.




Huazuar nga

Previous articleAlarmi për bombë në Aeroportin e Prishtinës ishte i rremë
Next article​Abdixhiku: Gratë do të kenë rol vendimmarrës në LDK