23:59 01/05/2022
Kampionët e rinj u mposhtën në transfertë nga Mainz 3-1, ndërsa verdhezinjtë zhgënjyen në shtëpi ndaj Bochum
Kampionët e Bajernit të Mynihut u mundën në transfertë nga Mainzi me rezultatin 3-1, vetëm një javë pasi u shpallën kampionë të Bundesligës për herë të 10 radhazi.
Vendasit dominuan ndeshjen, e patën mjaft raste për të shënuar, ndërsa miqtë e patën të vështirë që të kërcënonin portën kundërshtare.
Mainzi pati 24 raste goli, ndërsa Bajerni vetëm 4.
Vendasit kaluan dy herë në avantazh në pjesën e parë me Burkard dhe Niakate. Për kampionët e rinj u përgjigj Levandovski.
Në të 57’, Martins vulosi fitoren.
Bohumi shënoi dy herë në nëntë minutat e fundit të lojës për të fituar në shtëpinë e Dortmundit me rezultatin 4-3.
Rezultati i mban verdhezinjtë 1 pikë larg sigurimit të vendit të dytë matematikisht, ndërsa kanë ngelur edhe dy takime nga përfundimi i kampionatit.
Për Bohumin kjo është fitorja e parë ndaj Dortmundit në transfertë që nga viti 1998. Për verdhezinjtë u dallua Haland, që realizoi tripletë në humbje.
Klan News
