Arben Ristani kërkon dorëheqjen e Bashës: 4 vjet të tjera opozitë, nuk ka shans që herën e tretë të na udhëheqë në fitore –

12

Ish-Sekretari i Përgjithshëm i PD, Arben Ristani ka kërkuar dorëheqjen e Lulzim Bashës nga kryetar pas humbjes së zgjedhjeve të 25 prillit.

Ristani thotë se kur humb zgjedhjet, tërhiqesh me dinjitet dhe ndihmon partinë të rimëkëmbet.

Ai thotë se Basha pas dy humbjeve për pushtetin qëndror e lokal, nuk ka shans që herën e tretë të udhëheqë PD-në drejt fitores.

Deri më tani dorëheqjen e Bashës nga brenda PD-së e kanë kërkuar Fatbardh Kadilli dhe Bujar Nishani.

STATUSI NGA ARBEN RISTANI

PD humbi ne keto zgjedhje.

Demokratet jane krenare se kane duruar me dinjitet nje opozite te veshtire 8 vjecare.

Kane zhvilluar me vitalitet nje beteje te forte opozitare.

Garuan dhe menaxhuan nje proces zgjedhor nga i cili, pavarsisht se nuk fituan, treguan se PD eshte parti e madhe, e dashur dhe e mbeshtetur fuqishem nga shqiptaret.

Kjo humbje do te thote edhe 4 vjet te tjera opozite.

Manipulimet zgjedhore te kundershtarit do kene me siguri pasoja ligjore, por beteja kunder tyre nuk e ndryshon faktin se tashme, ka filluar nje 4 vjecar tjeter opozite.

Eshte momenti dhe kemi nevoje per reflektim.

Lulzim Basha qe na udhehoqi dy here ne humbje te pushtetit qendror dhe atij lokal, nuk ka asnje shans qe heren e trete, te na udheheqe ne fitore.

Humbja erdhi sepse ai beri gabime tashme te njohura dhe te perseritura, ne menyren se si drejtoi opoziten dhe per me teper, nuk i bindi shqiptaret, se ai do te ishte per ta kryeministri i duhur.

Politika eshte moral.

Mbi te gjitha te ky moral eshte bazuar edhe tradita e PD.

Kur humb zgjedhjet ne menyre te perseritur, terhiqesh me dinjitet dhe ndihmon partine te rimekembet.

Keshtu mendoj se duhet te ishte nje sjellje me moral ne nje parti demokratike dinjitoze.

Ndryshe vazhdon e mban dyqan per perfitime personale.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb



Source link