112 veprat e Sali Shijakut/ Për herë të parë ekspozohen edhe 12 nudot në vizatim të piktorit

12

Ekspozita prezanton 112 vepra të piktorit Sali Shijaku, në vizatime, pikturë dhe skulpturë.

Këto vepra kanë secila individualitetin e saj, por një pjesë e madhe e tyre përbëjnë tema të cilat piktori i ka trajtuar përgjatë gjithë jetës tij si artist.

Po ashtu ekspozohen për herë të parë 12 nudo në vizatim të piktorit Sali Shijaku, realizuar në harkun kohor të viteve 2000 – 2010.

Mjeshtri është magjepsur 25 vjet nga ‘Zanat’ që dalin në dritë që nga viti 1980 e rrugëtojnë deri në vitin 2005.

Në këtë ekspozitë do të jenë prezente edhe figurat Homerike që piktori i ka trajtuar shpesh gjatë jetës së tij artistike. Nuk mund të mungonin edhe 5 autoportrete të piktorit.Ndërsa ne skulpturë vepra më e spikatur në zhanrin e skulpturës veçohet monumenti i “Lirisë”, portretizimi i Shqipërisë.

Veprat e Sali Shijakut ndodhen në shumë vende të botës dhe sot janë pjesë e koleksioneve të koleksionistëve brenda dhe jashtë Shqipërisë. Ekspozita do të jetë e hapur në COD deri më 23 maj.


Top Channel



Burimi nga