Pamjet e marra nga satelitët tregojnë për një aktivitet disi të dyshimtë në vendin e mbyllur të Koresë së Veriut.

Nga informacionet e siguruara, thuhet se lideri suprem Kimg Jong-un, po përgatitet të prezantojë armë të reja ose lëshimin e një rakete. Dyshohet se kjo armë do të prezantohet në paradën e madhe ushtarake që do të mbahet në datë 10 tetor, në 75 vjetorin e Partisë së Punëtorëve.

Disa analistë nga Korea e Jugut, thonë se vendi i udhëhequr nga Kim, mund të përdorë paradën në Penian për të shfaqur raketa të përmasave madhore, për herë të parë që nga viti 2018. Gjithashtu fotot satelitore kanë treguar se diçka po përgatitet në Sinpo South Shipyard, ku dyshohet se po ndërtohen nëndetëse.

“Ne jemi duke monitoruar zhvillimet pasi ekziston mundësia që gjatë paradës që do të mbahet me datë 10 tetor në Veri, mund të provohet dhe një raketë balistike e lëshuar nga nëndetëset që po vendosën në Sinpo South Shipyard”, u shpreh për mediat shefi ushtarak i Koresë së Jugut, Won In-choul.