Policia e Shkodrës jep detaje për arrestimin e 26-vjeçarit me rrezikshmëri të lartë, Francesk Vala, autori i pengmarrjes së bujshme të dy vëllezërve për pazaret e drogës, të ndodhur në vitin 2015.

Për arrestimin e tij janë aktivizuar edhe Forcat “Shqiponja”, të cilat kanë bërë të mundur rrethimin dhe kapjen e të riut në lagjen “Rus” të Shkodrës.

Njoftimi i policisë:

Shkodër

Operacion për kapjen e një personi me rrezikshmëri të lartë shoqërore.

Operacioni nga strukturat e DVP Shkodër.

Kapet dhe vihet në pranga një i kërkuar, i dënuar për disa vepra penale.

Vihet në pranga edhe një shtetas tjetër, për përkrahje të autorit të krimit.

Në vijim të punës për kapjen e personave të shpallur në kërkim, specialistët e Sektorit Kundër Krimeve të Rënda në Drejtorinë Vendore të Policisë Shkodër, në bashkëpunim me shërbimet e Komisariatit të Policisë Shkodër dhe forcën e posaçme “Shqiponjat”, mbi bazën e informacioneve të marra në rrugë operative, në lagjjen “Rus”, Shkodër, kanë bërë të mundur kapjen dhe ndalimin e shtetasit me rrezikshmëri të lartë shoqërore:

Françesk Vala, 26 vjeç, lindur e banues në fshatin Gjuraj, Njësia Administrative Pult, Bashkia Shkodër.

Gjykata e Apelit për Krimet e Rënda, Tiranë, këtë shtetas e ka deklaruar fajtor dhe e ka dënuar me 8 vjet burg, për kryerjen e veprave penale “Rrëmbimi ose mbajtja peng e personit”, kryer në bashkëpunim dhe “Mbajtja pa leje e armëve luftarake dhe municionit”.

Ky shtetas është autor i ngjarjes së ndodhur më datë 21.11.2015, rreth orës 19:00, në fshatin Gjuraj -Plan, Njësia Administrative Pult, Bashkia Shkodër, ku në bashkëpunim me tre shtetas të tjerë, ka rrëmbyer dhe mbajtur peng shtetasin S. K., në këmbim të vlerës 10.000 euro.

Po gjatë operacionit Policia ka arrestuar në flagrancë, për përkrahe të autorit të krimit, edhe shtetasin M. G, 25 vjeç, banues në fshatin Grude e Re, pasi me automjetin e tij po transportonte personin e dënuar me 8 vite burg.

Materialet do t’i kalojnë Prokurorisë Shkodër, për veprime të mëtejshme.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb





Source link